21-декабрь күнү Кабул шаарынын алдында Эл аралык коопсуздук аскерлерин алып келаткан тик учма кыйрап, алты адам курман болду. Кабул полициясынын башчысы Башир Салангинин айтымында, тик учма Алманияга таандык болчу жана анын ичиндеги төрт немис аскери менен жердеги эки өспүрүм набыт болду. Бирок кээ бир күбөлөрдүн айтымында, өлгөндөрдүн саны андан да көп болушу мүмкүн. Тик учманы кимдир бирөө атып түшүргөндүгү тууралуу азырынча маалымат жок.
