Америка Кошмо Штаттарынын Түркиядагы элчиси Роберт Пиирсон 21-декабрь күнү өлкөнүн премьер-министри Абдулла Гүл менен жолугуп, Ирак маселеси боюнча Түркия өз турумун так жана ылдам аныкташ керек, -деп билдирди. 20-декабрда Түрк өкмөтүнүн башчысы "СиЭнЭн" сыналгысы аркылуу чыгып сүйлөп: эгер Иракка каршы согуш башталса, аны жүргүзүүдө Америка кошмо штаттарына жардамдашам деп Түркия эч кандай милдеттенме алган эмес, - деп жарыялаган. Түркия НАТО уюмунун мүчөсү жана Иракка каршы башталышы мүмкүн болгон турган согушта АКШ анын аскерий базаларын пайдаланууну көздөйт.