БИШКЕК. 24-декабрда Бишкекте Шанхай Кызматташтык Уюмуна кирген мамлекеттердин эксперттеринин жыйыны башталды. Ага Кыргызстандын Коопсуздук Кеңеш катчысынын орун басары Аскарбек Мамеев жана тышкы иштер министринин орун басары, Кыргызстандын уюмдагы улуттук координатору Асанбек Осмоналиев баштаган делегациясы катышууда. Жыйында Шанхай Кызматташтык Уюмунун антитеррористтик структурасын Бишкекте ишке киргизүүгө байланышкан маселелер талкууланууда. Эксперттердин жыйыны ишин 26-декабрда аяктайт.
