Латвияда алдыдагы жылы эрте күздө элдик референдум өткөрүлөт. Бул тууралуу бүгүн президент Вайра Вика-Фрайберганын басма сөз катчысы маалымдады. Референдум 20-сентябрга белгиленди, ага Латвиянын Евробиримдикке кошулушу жөнүндөгү маселе коюлат. Бул маселе боюнча Эстония да сентябрда, ал эми Литва май айында референдум өткөргөнү жатышат. Балтика кылаасындагы бул үч өлкө 2004-жылы майда Евробиримдикке алынышы керек.
