Иракта инспекция иши жүйүр жүрө баштады. ООНдун эксперттери мандемдүү көрүнгөн бардык жайларды түгөл текшерип жатышат. Бүгүн алардын жоон тобу Багдаддан 400 чакырым жердеги Мосул шаарына жөнөп кетишти. Бул жерде экинчи иликтөө борбору ачылат. Инспекторлор жасалган иштер жөнүндө 27-январда ООНдун Коопсуздук Кеңешине толук отчет берүүгө тийиш. ООНдун качкындар боюнча жогорку комиссары Рууд Любберс Багдадды кандай болгон күндө да толук куралсызданууга көндүрүү керек деп билдирди. Иракка каршы аскерий операция, жогорку комиссардын сөзү боюнча, регионду айныксыз гуманитардык алааматка салат.
