БИШКЕК. Жаңы жылга карата Бишкек мэриясы шейшемби күнү борбордук Ала-Тоо аянтында оюн-зоок өткөрөт. Аянтка чогулган шаардыктар шаар мэри Медетбек Керимкуловдун 31-декабрда кечки саат 12де куттуктоосу күтүлүүдө. Мэриянын оюн-зоогу болсо 31-декабрда кечки саат тогуз жарымда башталап, ал 3 саатка уланат. Оюн-зоокто Аяз Ата, Аяз Кыз элди куттуктайт жана белгилүү эстрада ырчыларынын катышуусу менен дискотека уюштурулат. Бул тууралуу дүйшөмбү күнү Бишкек мэриясынын маданият башкармалыгынын башчысы Малдыбай Кайыпов билдирди.