НАРЫН. 31-декабрда Улуу Британиянын «Балдарды коргойлу» аттуу фондунун Нарын областындагы ресурстук борборунан алынган маалымат боюнча, жаңыдан уюштурулган майып балдардын ата-энелеринин коомдук бирикмеси үч багытта, тактап айтканда, майып балдардын укуктарын коргоо, мамлекеттик жана бейөкмөт уюмдар менен тыгыз байланыштарды камсыз кылуу жана майып балдарды дени сак балдар менен бирдикте окутууга жана тарбиялоого тиешелүү шарттарды түзүү боюнча иштерди аткарат. Коомдук бирикме бул багыттардагы биринчи аракет катары 45 майып балага жардам иретинде баасы 100 сомдук жаңы жылдык белектерди тапшырды.
Дамир Калыков
