Президент Аскар Акаевдин 1-январда кол койгон жардыгына ылайык, 2003-жылдын 31-декабрына чейин өлкөдө өлүм жазасы ишке ашырылбайт. Жардыкта ошондой эле өлүм жазасына тартылган айыпкерлерди кармоочу жайлардын шарт-жагдайларын жакшыртуу боюнча кошумча каражат табуу өкмөткө тапшырылган. Аталган жардыкка байланыштуу президенттин басма сөз кызматы 8-январда таркаткан маалыматта өлүм жазасына биринчи жолу 1998-жылы эки жылдык мөөнөткө мораторий киргизилгени белгиленет. Алгачкы ошол жардыкты президент адам укугу боюнча Бүткүл дүйнөлүк декларациянын 50 жылдыгына байланыштуу чыгарган.
