Казак өкмөтүнүн чечимине ылайык, быйылкы жылдын октябрь айына чейин мамлекеттик мекемелер жана укук коргоо органдары чакан бизнести жүргүзүүчүлөрдү текшере албайт. Президент Нурсултан Назарбаев жергиликтүү ишкерлердин былтыр күзүндө өткөн форумунда, өзгөчө укук коргоо органдарынын текшерүүлөрү чакан бизнестин өнүгүшүнө жолтоо болуп жатканын белгилеген. Ага катар казак президенти ошол жыйында жогорудагыдай текшерүүлөргө тогуз айлык мораторий киргизүүнү сунуш кылган болчу. Президент Н. Назарбаевдин айтымында, чакан бизнес өлкө бюжетинин 11% , улуттук дүң өндүрүштүн 17% ын берет.
