Шаардык кеңеш менен мэрия кабыл алган токтомдо борбор калаанын мааракесин майрамдоо быйыл жыл ортосуна белгиленди. Мааракеге карата борборду көрктөндүрүү жана жалпы санитардык абалды жакшыртуу милдети райондук администрацияларга жүктөлдү. Бул тууралуу 11-январда мэриянын басма сөз кызматы кабарлады.Тарыхый маалыматтарга караганда, Бишкекке 1878-жылы шаар статусу берилген. Бирок айрым тарыхчылар Бишкек баатыр мындан эки кылым мурда жашаганын жана ага чейин эле бул жерде шаар болгонун айтып жүрүшөт.
