15-январда кечке жуук кыргыз парламентинин имаратында «Арнамыс», «КДК», «Менин өлкөм», «Эркиндик», « Эркин Кыргызстан», «Эл», «Ата Мекен» партияларынын, ошондой эле афганчылар, коммунисттер партияларынын, бейөкмөт уюмдардын өкүлдөрү жана Жогорку Кеңештин депутаттары тегерек үстөлгө чогулуп,Конституциянын жаңы редакциясы талкуулай башташты. Талкууда сөз сүйлөгөн Абсамат Масалиев жаңы редакцияны «конституциялык төңкөрүш» аракети деп атады. Тегерек үстөлдүн катышуучулары талкуунун соңунда референдумга байланыштуу жалпы элге кайрылуу кабыл алууну сунуш кылышууда.
Саясий партиялардын жана бейөкмөт уюмдардын өкүлдөрү Конституциянын жаңы редакциясын талкуулап жатышат.
