Бу тууралуу кыргыз өкмөтү токтом кабыл алды. Ага ылайык, жер үлүшүнө укугу бар туруп ар кандай себептер менен ага ээ боло албай калган жарандарга жер үлүшү берилет.Өкмөттүн басма сөз кызматы 15-январда кабарлаган маалыматта республика боюнча жер үлүшүнө жете элек 11 миң 167 үй-бүлө же 35 миң 853 жаран бар экени айтылат. Аларга 13 миң гектардан ашуун айдоо жери зарыл. Өкмөт токтомуна ылайык, аларга айыл чарба жерлерин кайра бөлүштүрүү фондусуна алынган жердин эсебинен үлүш берилет.
