Сеул менен Пхеньяндын өкүлдөрү январдын экинчи жарымында жолугушмак болушту

СЕУЛ. Бүгүн Сеул менен Пхеньян АКШ менен Түндүк Кореянын ортосундагы тирешүүнү жөнгө салыш үчүн министрлик деңгээлдеги жолугушуунун мөөнөтүн аныкташты. Эки өлкөнүн өкүлдөрү 21-24-январда жолугушат. Бул Түндүк Корея менен АКШнын ортосунда ядролук куралдар жаатында талаш чыккандан берки Корей өлкөлөрүнүн алгачкы жолугушуусу болот.
Түндүк Корея бүгүн АКШнын саясатын сынга алууну улантты. Пхеньян Вашингтонду “ядролук куралдарды таркатпоо келишимин бузуп жатат жана эки ортодо түзүлгөн кырдаалды өз кызыкчылыгында пайдаланууда” деп айыптады.