Шейшемби күнү Кыргызстанга Россиянын аскер-аба күчтөрүнүн колбашчысынын орун басары,генерал-лейтенант Анатолий Наговицын баштаган аскерий делегация келди. Кыргыз коргоо министрлигинин басма сөз катчысы Мирбек Койлубаевдин 21-январдагы маалыматы боюнча, Бишкектеги сүйлөшүүлөр учурунда Коллективдүү коопсуздук келишиминин рамкасында Канттагы аба майданына россиялык аскер-аба күчтөрүнүн бөлүктөрүн жайгаштыруу маселеси талкууланат.Сүйлөшүүлөр 23-январга чейин созулат. Анын жыйынтыгында протоколго кол коюлат.