«Кыргызстан Журналисттер союзу 2-февралга белгиленген референдумду колдойт, себеби жалпы элдик добуш берүүгө коюлуп жаткан Башмыйзамдын долбоору жаңы доордун талаптарына толук жооп берет», деп жазылган уюмдун 23-январда тараткан кайрылуусунда. Чыгармачыл союз журналисттерди референдумдун маанисин элге түшүндүрүү иштерине активдүү катышууга чакырган. Референдумду колдогон ушундай эле билдирүүнү бул күнү Кыргызстан Жазуучулар союзу, Аскерий кагылышуулардын жана чакан согуштардын ардагерлеринин «Эрдик» коомдук кыймылы да таратты.
