САЯСИЙ ПАРТИЯЛАРДЫН ӨКҮЛДӨРҮ РЕФЕРЕНДУМДУН ОЛУТТУУ МАСЕЛЕЛЕРИН ТАЛКУУЛАЙТ

Азиза Турдуева, Бишкек Кыргызстандагы саясий партиялар менен коомдук уюмдардын турмушуна арналган берүүнүн соңку чыгарылышы референдумга сунушталып жаткан Башмыйзамдын жаңы редакциясынын долбооруна арналат. Партиялык тизме менен депутаттыкка шайлануу мүмкүнчүлүгүнүн кайра четке кагылып жатышы өлкөдө көп партиялуулук системасын калыптандырууга жолтоо болобу? Ушул жана башка маселелер боюнча кайчы көз караштарды уккуңуз келеби? Берүүгө Коммунисттер партиясынын өкүлү, депутат Бейшебек Акунов, Биримдик партиясынын өкүлү, саясат таануучу профессор Аалыбек Акунов, Кыргызстан аялдарынын демократиялык партиясынын төрайымы, Бишкектин Биринчи май райакими Токон Шайлиева жана Адилет партиясынын өкүлү Темирбек Токтогазиев катышат.