Маскөөдө Орусиянын тышкы иштер министринин өкүлү Александр Яковенко Ирактын куралы тууралуу БУУнун адистери гана маалымат бере алат деп эскертти. "Биздеги алдын-ала маалыматка караганда, БУУнун Ирактагы курал инспекторлору эч тоскоолдуксуз ишин улантып жатышат. Биздин ишенимибизде, БУУ менен МАГАТЭнин инспекторлору гана Иракта массалык кыргын куралдары бар же жок экенин айта алышат",- деп билдирди өкүл.