Туркиянын парламенти Ирак боюнча позициясын талкуулайт

Туркиянын премьер-министри Абдулла Гүл ушул аптада парламентке кайрылып, Ирак согушуна байланыштуу согуштук чараларга уруксат сурайт.
Конституция боюнча, Туркияда чет элдик аскер жайгаштырууга же Түрк аскерлерин чет жакка жиберүүгө парламент уруксат бериши керек.
Америка Кошмо Штаттары Туркиядан Ирак операциясында аба майдандарын пайдаланууга жана америкалык аскерлердин Туркиянын аймагы аркылуу өтүшүнө уруксат берүүгө кысым көрсөтүүдө.