Югославия парламенти 4-февралда өлкөнүн жаңы конституциясын талкуулай баштады жана парламенттин өйдөкү палатасы аны кабыл алды. Конституция боюнча, Югославия федерациясы жоюлуп, өлкө мындан ары Сербия жана Монтенегро (Черногория) деп аталмакчы. Экинчи дүйнөлүк согуштан кийин түзүлгөн федерацияга алты жумурият кирген, бирок 1990-жылдарда Словения, Хорватия, Босния жана Македония федерациядан чыгып кеткенден кийин, анда Сербия менен Монтенегро гана калган.
