Америка Кошмо Штаттарынын мамлекеттик катчысы Колин Пауэлл 5-февралда Бириккен Улуттардын Коопсуздук Кеңешин Ирак өзүнүн кеңири кыруучу куралдарын жашырып жаткандыгы тууралуу далилдер менен тааныштырууга тийиш. Ирак президентинин кеңешчиси Амир ал-Саадинин айтымында, эгер АКШда андай далилдер бар болсо, алар эл аралык текшерүүчүлөргө берилиш керек болчу. Австралиянын премьер-министри Жон Ховард 4-февралда атайын билдирүү жасап, Иракка каршы күч колдонуу үчүн, Бириккен Улуттар тарабынан ноябрь айында кабыл алынган чечим деле жетиштүү деп билдирди.
Австралиянын пикиринде, Иракка каршы согуш баштоого Бириккен Улуттардын биринчи резолюциясы эле жетиштүү