Ооганстандагы качкындар маселесин чечүү максатында, Америка Кошмо Штаттарынын өкмөтү Бириккен Улуттардын Качкындар боюнча жогорку комиссариатына 15 миллион доллар бөлүп берди. Бул акча өлкөнүн ичинде жер которууга аргасыз болгон адамдардын үй-үйлөрүнө кайтып келиши үчүн жумшалат. АКШнын мамлекеттик катчылыгынын айтымында, Ооганстандагы качкындарды жайгаштыруу иштерине АКШ өкмөтү быйыл бардыгы болуп 65 миллион доллар бөлөт.
