Америка Кошмо Штаттары тарабынан Украинага көрсөтүлгөн жардам быйылкы 155 миллиондон эмдиги жылы 94 миллион долларга чейин кыскарат. Эксперттердин айтымында, жардамдын азайтылышынын себеби - Украина өкмөтү өлкөдөгү арам акчаны адалдоо жараяндарына бөгөт койбой жатканы жана Киев Иракка аскерий технология саткан деген күнөө менен байланыштуу. Бирок АКШнын Киевдеги элчиси Карлос Паскуалдын айтымында, эркин экономика түзүү багытында ийгиликке жетишкен өлкөлөрдүн баарына АКШ өз жардамын акырындап азайтууда.
