МОСКВА. Орусиянын Мамдумасы Чеченстандын 23- мартта референдумга койулуп жаткан Конституциясынын долбоору боюнча сунуштарын киргизди. Депутаттарга республиканын президентинин кеңири укуктарга ээ болушу,Чеченстандын жарандыгы жөнүндөгү жобо жана "Республиканын суверендүүлүгү" деген түшүнүктөр жакпайт. Думанын Чеченстандагы адам укуктары боюнча комиссиясынын төрагасы Валентин Никитин жумурияттын администрациясы бул сунуштарды биринчи мартка чейин кароону пландаштырып жатканын айтат.
