ТАЛАС. Облустук санэпидстанциянын башкы эпидемиолог-дарыгери Дамира Алиеванын маалыматына караганда, Талас облусундагы жалпы билим берүүчү 110 мектептин бардыгында окуучулардын 20%тен көбү сасык тумоолоп калышкан. Ушундан улам сабактар 12-февралга чейин токтотулган. Мындан тышкары Талас медициналык орто окуу жайында, Талас университетинин алдындагы лицейде да окуу убактылуу токтоду. Ооруга каршы дары-дармек тартыш боло баштагандыктан жоопкерчилиги чектелген «Көктөм Талас» коомунун рецепт бөлүмү да атайын лицензиянын негизинде дары жасап сатыкка чыгарууда.