Кыргызстандагы «Кыргыз консепт» компаниясы 18ден 24 жашка чейинки Кыргызстандык кыздар үчүн «Германияда окуу жана иштөө» аттуу жаңы программасын ишке киргизди. 11-февралдагы АКИ-пресс агенттигинин билдирүүсүнө караганда, анын максаты немец тилин жакшы билген кыздарга немец элинин маданияты, турмушу жана тилин мыкты үйрөнүүгө шарт түзүү жана иш менен камсыз кылуу. Анткени, программанын катышуучулары немец тилин үйрөтүүчү курстардын акысын, кыздардын жашоосун, тамактануусун жана медициналык камсыздандыруусун төлөп берген кадимки немец үй-бүлөлөрүндө жашашат жана ошол үй-бүлөнүн тиричилигине кол кабыш кылып иш менен камсыз болушат.
