Курман айт намазына келгендердин саны көп болгондугуна жана алардын баарын мечитке батырууга мүмкүнчүлүктүн жоктогуна байланыштуу айт намазы Каракол шаарынын борбордук аянтында өттү. «Бул албетте, алгачкы саамалык, мындай жаңылыкты колдогондор, кубаттагандар көп. Демек, мусулманчылыктын 5 парызын жана анын амалдарын аткарууга ниет койгондор, пейилдерин, ыйман-ызаттарын тазарткандар, Курман айттын маани-маңызын жакшы түшүнүшөт»- дейт областтын имамы Молдошакир Маматов. Борбордук аянттагы айт намазына келгендерди областтык мамлекеттик администрация башчысынын биринчи орун басары Орозбек Бектуров куттуктап, жалпы мусулман калкына ден-соолук, бакубат жашоо каалады.
