27-28-февралда Москва шаарында Евразия экономикалык шериктештигине кирген мамлекеттердин өкмөт башчыларынын кеңеши өтөт. Ага Кыргызстандан премьер-министр Николай Танаев башында турган делегациянын катышуусу күтүлүүдө. Бул тууралуу шаршембиде Тышкы иштер министрлигинин КМШ башкармалыгынын жетекчиси Эркин Мамкулов билдирди. Маалыматка караганда, Москва жыйынынын күн тартибине 30га жакын маселе киргизилген. Алардын ичинде экономикалык багытта кызматташуу маселелери бар. Евразия экономикалык шериктештигине Кыргызстан, Россия, Казакстан, Тажикстан, Белорусия мүчө.
