Орусиялык укук коргоочу уюм Чеченстанда үч миңге жакын карапайым адам дайынсыз жоголуп жатканын билдирди

"Мемориал" тобунун маалымат катчысы Александр Черкасовдун сөзү боюнча, 1999-жылы чечен жаңжалы кайра от алгандан бери 2800 киши дайынсыз жоголгон. Черкасов алардын нагыз саны мындан алда-канча жогору болушу мүмкүн экендигин кошумчалады.
"Мемориалдын" өкүлү ошондой эле бул көрсөткүч 1937-38-жылдардагы сталиндик репрессиялардын тушунда дайынсыз жоголгон чечендердин санынан жогору экендигин белгиледи.