Палестинанын лидери Ясир Арафат жакын арада автономиянын премьер-министрин дайындаарын жарыялады. Жакынкы Чыгышта тынчтык орнотуу боюнча эл аралык ортомчулар Арафаттан Палестин бийлигин реформалоо, анын алкагында өкмөт башчынын кызматын киргизүүнү талап кылышкан. Арафат азырынча өкмөт башчылыгына кимди сунуш кылаарын айткан жок, бирок премьер-министрди дайындоо тууралуу чет элдик арачылардын сунуштарына муюганын жана жакында өкмөт башчылыкка талапкерди Палестинанын парламенти менен о.э. Борбордук Кеңешине көрсөтөөрүн маалымдады.
