Түштүк Кореялык куткаруучулардын маалыматы боюнча, бүгүн Тэгу шаарындагы метродо чыккан өрттөн 120дан ашуун киши набыт болду. Түштүк Кореядагы 3-ири шаар – Тэгунун бийлик башчылары билдиргендей, куткаруучулар метронун бир вагонунан 70 кишинин, экинчисинен 50дөн ашуун адамдын сөөгүн алып чыгышты. Жергиликтүү полиция, күбөлөрдүн айтканы боюнча, метронун ичинде тез өрттөнүүчү картон буюмга от коюп, өрт чыгарган Түштүк Кореялык улгайган кишини суракка алып, тергөө иштерин улантууда.
