Инспекторлор бүгүн Багдаддагы баллистикалык ракеталарга керектүү жабдыктарды өндүргөн 4 жай, Ал-Мутхана калаасындагы мурдагы химиялык курал өндүрчү завод ж.б. обьекттерди текшеришкенин Ирактын өкүлдөрү билдиришти. Улуттар уюмунун өкүлү Хиро Веки кечээ инспекторлор Ирактын кыска аралыктарга учуучу 2 баллистикалык ракетасын жана 380дей ракетанын жабдыктарын таап-бекиткенин маалымдаган. Инспекторлордун башчысы Ханс Бликс өткөн жума күнү БУУнун Коопсуздук Кеңешинде жасаган докладында аталган куралдарды тыюу салынган куралдар катары баалаган болчу.
