Бишкекте мамлекеттик башкаруу жана мамлекеттик кызмат көрсөтүү маселеси талкууланды

БИШКЕК. 20-февралда «Аларча» мамлекеттик резиденциясында «Кыргызстандагы мамлекеттик башкаруу жана мамлекеттик кызмат көрсөтүү» деп аталган семинар өттү. Анда мамлекеттик кызмат көрсөтүүнүн сапаты, бюджет, салык, бажы, билим берүү, саламаттык сактоо, социалдык жактан коргоо тармактарындагы абал, бейөкмөт уюмдарга, ишкер чөйрөгө, өкмөттүк органдарга байланыштуу маселелер талкууланды. «Кыргыз өкмөтүнүн башкы милдеттеринин бири - коррупцияга бөгөт коюу» деген темада биринчи вице-премьер-министр Жоомарт Оторбаев доклад жасады. Семинарга бардык бийлик бутактарынын, жарандык коомдун өкүлдөрү катышты.