Ооганстандын убактылуу өкмөтүнүн башчысы Хамид Карзай 21-февралда Токио шаарынан дүйнөлүк коомчулукка кайрылып, Ооганстандын экономикасына акча салууга чакырды. Ишемби-жекшемби күндөрү Токиодо донорлордун жыйыны өтөт, ага кырк бешке жакын өлкө жана эл аралык уюмдун өкүлдөрү катышат. Негизги донорлор - Америка Кошмо Штаттары, Дүйнөлүк банк жана Эл аралык валюта кору. 21-февралда Карзай Токиодо император Акихито, премьер-министр Дзюнитиро Коидзуми жана тышкы иштер министри Йорико Кавагути менен жолукту.
