Салатанаттуу жыйынга Жалалабад аскер гарнизондук бөлүктөрдүн жоокерлери, Ата мекендик, Ооган, Чернобыль, Баткен алааматтарынын ардагерлери катышты. 3 жыл мурун Мекенди коргоодо курман болгон жигиттер бир мүнөт үндөбөй туруу менен эскерилди. Орусиянын Волгоград облус губернаторунун буйругу менен 4 карыяга Сталинград салгылашуусу төш белгиси, Ооган согушунун бир катышуусуна СССР президентинин 1991-жылкы указына ылайык «За отвагу» медалы тапшырылды. Облустук гарнизондун 30 жоокери облустук бийликтен ардак-грамота, акчалай белек алышты. Майрамды музыкалык оюн-шок коштоду.
