БИШКЕК. 23-февралда Кытайдын Синзянь-Уйгур автоном облусунда болгон жер титирөөнүн күчү Ош облусунун аймагында 3 баллга жетти. Мындай маалымат 24-февралда Экология жана чукул кырдаалдар министрлигинен алынды. Ал маалыматка караганда, жер титирөө Бишкектен түштүк-чыгышка карай 620 чакырым алыстыкта болуп, Рихтердин шкаласы боюнча күчү 8 баллдан ашкан. Кыргызстандын аймагындагы жер титирөөдөн кыйроолор жана жабыр тарткандар болгон жок.
