Ант берүү аземинде сүйлөгөн сөзүндө ал мурдакы президент Вацлав Гавел баштаган бардык өнөгөлүү иштерди улантканга сөз берди. Менин башкы максатым – мурдагы президент жасаган жакшы иштердин баарын улантууда турат,деп айтты Клаус. Чехия эмдиги жылы Евросоюзга мүчөлүккө алынат. Бул ишти Клаус жалпы чех бийликтеринин башкы максаты катары атады. Клаус 1992-97-жылдары өлкөнүн премьер-министри болгон жана президент Гавел менен көп учурда тил табыша алган эмес. Клаус азыркы өкмөттүк коалициядагы кризистен улам парламентте өткөн аптада үчүнчү жолку добуш берүүдө президент болуп шайланган эле.
