ЖАЛАЛАБАД. Дүйнөлүк Банктын каржылоосу менен облустук оорукананы, Сузак, Токтогул, Каракөл аймактык кургак учук диспансерлерин, Майлысуудагы, Ноокендеги, Ташкөмүрдөгү үй-бүлөлүк дарыгерлер топторунун имараттарын, санитардык-эпидемиологиялык станциянын 8 имаратын оңдоо жагы каралган. Аларды актап-сырдап, жаңылаганга 11,7 млн. сом сарпталды. Бир имарат толук ремонттолуп бүтүп, 4 оорукананын имараты капиталдык оңдоодон өткөнү турат. Мындай маалымат 10-мартта ооруканалардын облустук бирикмесинен алынды.
