Орусияда коопсуздук кызматтарынын структурасы кайтадан түзүлдү

Президент Владимир Путиндин жардыгына ылайык, Салык полициясы менен Өкмөттүк байланыш жана маалыматтар боюнча федералдык агенттик жоюлуп, алардын биринин милдети Ички иштер министрлигине, экинчисиники Коргоо министрлиги менен Федералдык коопсуздук кызматына берилди. ФСБнын карамагына өлкөнүн Чек ара кызматы да өттү. Мындан сырткары Наркозаттардын мыйзамсыз жүгүртүлүшүнө каршы күрөшүү боюнча жаңы мамлекеттик комитет түзүлдү.


Улан Эшматов, Прага