Душанбе шаарындагы АКШ элчилигинин айтымында, Америка Кошмо Штаттарынын Конгресси Тажикстанга 20 миллион доллар өлчөмүндө жардам көрсөтүүнү чечти. Ал акчага азык-түлүк сатып алынып Тажикстанга жеткирилет. Америкалык элчи Фрэнклин Хаддл 14-мартта Душанбеде президент Эмомали Рахмонов менен жолугуп, тажик-ооган чек арасындагы Пянж дарыясына көпүрө курууга да АКШ жардам бере тургандыгы жөнүндө билдирди. Ан үчүн 12 миллион доллар керек болот.
