Ооган полициясы өлкөнү мурда башкарган Талибан кыймылынын он мүчөсүн кармаганы тууралуу билдирүүдө. "Ройтер" маалымат агенттигинин кабарына караганда, он кылмышкер 13-мартта Кандагар шаарында камакка алынган жана алар жаңы террор аракеттерин даярдап жаткан. Алар менен кошо бир топ курал жана мина кармалган. Ооган өкмөтүнүн айтымында, Талибандын калдыктары ооган-пакистан чек арасындагы тоолуу аймактарда жашынууда жана кээде алар менен куралдуу кагылышуулар да болуп турат.
