АКШнын космос жана аэронавтика боюнча башкармалыгы - НАСАнын айтымында, үстүбүздөгү жылдын күз айларында "Шаттл" программасы кайрадан иштетиле баштайт. Бирок "Вашинтон пост" гезити 15-мартта жазып чыкканга караганда, космос чөлмөктөрүн кайрадан учура баштоо үчүн бир жарымдан эки жылга чейинки убакыт керек. Биринчи февралда "Колумбия" космос чөлмөгү жерге коноордо жарылып, анын жети учкучу тең курман болгон жана НАСА азыр анын себептерин изилдет жатат.
