БИШКЕК. Бүгүн Жогорку Кеңештин Эл өкүлдөр жыйынынын депутаттары Жогорку Соттун судьялыгына Перизат Абакирова менен Төлөнбай Масыбаевди дайындоого макулдук беришкен жок. Аталган талапкерлерди дайындоо боюнча жашыруун добуш берүүдө аларды 22 депутат колдоп, 10у каршы болду. Андан тышкары өткөн жылдын ноябрь айында Бишкектин Октябрь райондук сотунун төрагалыгына президенттин жардыгы менен дайындалган Кубан Кыргызбаевге да 19 депутат «каршы», 22 депутат «макул» деп добуш бергендиктен, ал төрагалыкка шайланган жок.
