Вена шаарында жайгашкан Эл аралык пресса институту 19-мартта - 2002 жылдагы дүйнөдөгү сөз эркиндиги боюнча отчет жарыялады. Отчетто айтылгандай, дүйнөнүн бир топ мамлекетинде өткөн жылы терроризмге каршы багытталган мыйзамдар кабыл алынды жана алардын көпчүлүгү сөз эркиндигин чектейт. Сөз эркиндиги өзгөчө Орусия жана Борбор Азия жумурияттарында басмырланууда. 2002-жылы Орусияда сегиз журналист өлтүрүлгөн.
