АКШ Ирактын үстүнөн "багынып берүүнү" талап кылган баракчаларды чачты

Таңга маал келип түшкөн кабарда айтылгандай, америкалык күчтөр жүз миңдеген баракчаны Ирак аскерлеринин турактарына абадан таштады.
Аларда Ирак аскерлери АКШ баштаган күчтөргө кантип багынып берип, чабуулдан кутула алаары сыдыргыга салынат. Бул үчүн Ирак армиясы коалициялык аскерлерге жакындабай, машиналарына ак желек байлап алышы керек. Ошондой эле багынган офицерлер чакан курал-жарагын жанында алып жүрө алышат, бирок калган оор куралын таштоого тийиш болот.