Бирок ошону менен бирге Ирандын саясий жетекчилигиндеги диниятчылар президент Саддам Хусейндин режимине колдоо көрсөтпөй тургандыктарын билдиришти. Ирандын диний көсөмү Аятолла Али Хаменейи Жаңы жыл майрамы - Ноорузга карата сүйлөгөн сөзүндө согушту тездик менен токтотууга чакырды. Ирандын президенти Мухаммад Хатами АКШ баштаган согуш Ирак элин басмарлап жатканын жана глобалдык туруктуулукка коркунуч жаратып жатканын билдирди. Президент Буш тарабынан "балакеттин үчилтиги" деп аталган Иран Ирак проблемасын дипломатиялык жол менен чечүүгө чакырат.
