БИШКЕК. Кыргызстандын Коопсуздук Кеңешинин жыйыны «Азаттык» радиосу мурда кабарлагандай 24-мартта болбой калды. Өкмөт Үйүнөн алынган маалыматка караганда, ал 25-мартта түштөн кийин болот жана анда өлкөдөгү коррупцияга каршы күрөш, энергетика тармактарын өркүндөтүү маселелери каралат. Мындан тышкары жыйында Ирактагы согушка байланышкан кырдаал да талкууланат деген маалымат бар. Президенттин басма сөз катчысы Абдил Сегизбаевден 24-мартта алынган маалыматка караганда, Коопсуздук Кеңешинин жыйынын дүйшөмбүдөн шейшембиге которууга тиешелүү документтердин толук даярдалбай калгандыгы башкы себеп болду.
