Европа Биримдиги Кызыл Чырым коому аркылуу бере турган жардам ириде Ирактын түштүк аймактарынын калкы үчүн багытталган. Уюмдун өкүлдөрү билдиргендей, бул максатта Кызыл Чырым коомунун эсебине 3 миллион евро которулду. Маселен, согуш аракеттеринен улам Ирактын түштүк бөлүгүндө таза суу тартыш болууда. Кызыл Чырым - Иракта иштеп жаткан аз сандагы эл аралык гумманитардык уюмдардын бири. Кечээ алар түштүктөгү Басра шаарынын калкын ичүүчү суу менен камсыздоону калыбына келтирүүгө аракеттенип жатканын, Багдаддын ооруканаларына дары-дармек жибергенин билдирген. Бүгүн уюмдун жетекчилиги согуш туткундары менен жолуктурууну өтүнүп, АКШ менен Иракка кайрыларын маалымдады.
