БИШКЕК. Эртең Бишкектеги Алатоо аянтында Ирак согушуна каршы митинг өткөрүлөт. Митингди Коммерциялык эмес жана бейөкмөт уюмдар ассоциациясы бир катар бейөкмөт уюмдар менен чогуу уюштурууда. Бул тууралуу бүгүн аталган ассоциациянын башчысы Токтайым Үмөталиева билдирди. Анын айтымында, Алатоо аянтында митинг өткөрүүгө Бишкектин Биринчи Май районунун администрациясы расмий түрдө уруксат берди.
