Кыргызстандагы «Эксперт» социологиялык иликтөө агенттиги Бишкек шаарындагы ишкерлердин, мамлекеттик кызматтагылардын жана бейөкмөт уюмдардын өкүлдөрү кайсы маалымат каражаттарын көп пайдаланаарын аныктоо максатында сурамжылоо жүргүздү. Ага катышкандардын 70% «Вечерний Бишкек», 37% «Моя столица», 29% «Слово Кыргызстана» газеталарын окушаарын айтышкан. Сурамжылангандардын 60% «Пирамида», «КООРТ», андан соң Мамлекеттик теле-радио берүүлөрүн көрүшөөрүн маалымдашкан. Сурамжылоо мындан бир жума мурда жүргүзүлүп, ага Бишкектик 341 адам тартылган.
