БИШКЕК. Белгилүү саясатчы Жыпар Жекшеев «Жарандык биримдик» аттуу кыймылды түзүүгө киришти. Кыймылды каттоодон өткөрүү максатында Юстиция министрлигине тийиштүү документтер тапшырылды. Бул тууралуу бүгүн Жыпар Жекшеев маалымдады. Анын айтымында жаңы кыймылдын мүчөлөрү коомдогу саясий-экономикалык, укуктук жана башка жараяндарга активдүү катышууну максат кылышууда. Кыймылдын катарында өлкөнүн дээрлик бардык региондорунан өкүлдөр бар.
